:+: كنافه على طريقة الماما :+:
--------------------------------------------------------------------------------
السلام عليكم ورحمة الله وبركااته
بما انه هذا ثاني موضوع اضيفه في قسم الصحة والطبخ
حبيت احط وصفه انا مجربتنهاا طبعاا الوصفه لذيذه وااايد وسهله في نفس الوقت
المقااادير ::..
1.كيس كنااافه ( اتحصلونه في المخبز اومراات في ثلاجات الجمعيه اللي يكوون فيها ورق القلاش مال البقلاوه )
2. قوطي حليب مكثف ( للي مايعرف بيحصله في الجمعيه عدال رف القشطه واغلب شي اتكون ماركته نستله ) في زمااني ماكنت اعرفه يوم اشوف الوصفه فيهااا حليب مكثف على بالي حليب ابوو قووس مال شاهي كرك بس الحمد لله على النعمه فهمت شو هوه الحليب المكثف
3. كوب فستق حلبي مدقوق (وكلناا نعرفه اللي مايعرفه يخبرني بس )
الطريقة::..
1. نضع الكنافه في صينية كيك وانحطها في الفرن انقصر عليه عشان ماتغدي الكنافه سووده
بين كل فترة وفترة نحرك الكنافه من طرف لطرف لين يغدي لونهاا كاامل ذهبي
2. نضيف الكناافه اللي اعددنااها في الخطوه الاولى في طاسة ونضيف الحليب والفستق
3. نييب فنيااان القهووه ونغسله لازم يكوون خرساان شووي عشاان ماتلتصق الوصفه ونملاه بالخليط اللي عندنااا ونجلبه على الصحن عشااان تطلع الكنافه بشكل الفنياان ونسوي هالحركة لين يخلص الخليط
4. نحطه في الثلاجه فتره
5. وبالهنااا والشفاااااااااا
تحياااتي للجميع
